26 aprel 2017--ci il, 21:29
Əlaqələr

Azərbaycan Respublikasının Fövqəladə Hallar Nazirliyinin Böhran Vəziyyətlərində İdarəetmə Mərkəzi

AZ1073, Bakı şəhəri,
Mikayıl Müşfiq küçəsi, 501-ci məhəllə

tel.: (012) 512-40-40
faks: (012) 512-40-42
e-poçt: bvim@fhn.gov.az

Sorğu
Yaralıların da olduğu avtomobil qəzasının baş verdiyi yerdəsiniz. Siz dərhal 112 zəng mərkəzinə zəng vurub
Zərərçəkmişlərin sayı haqqında məlumat verirsiniz
Qəzanın başvermə səbəbini aydınlaşdırırsınız
Qəzanın başvermə yerini bildirirsiniz və bununla bağlı ilkin məlumatları verirsiniz
Ümumi məlumat

Böhran Vəziyyətlərində İdarəetmə Mərkəzi fövqəladə halların qarşısının alınması və nəticələrinin aradan qaldırılmasında qüvvə və vasitələrin operativ idarə olunması üçün yaradılmış idarəetmə orqanıdır. Mərkəz, həmçinin, müxtəlif mənbələrdən daxil olmuş məlumatların toplanılması, ümumiləşdirilməsi, təhlili və bununla əlaqədar müvafiq qərarların qəbul edilməsi sahəsində fəaliyyət göstərir.

Mərkəzin “112 zəng mərkəzi”nə vətəndaşlar tərəfindən daxil olmuş məlumatlar əsasında müvafiq tədbirlər görülür.

“112 zəng mərkəzi”nə nə zaman müraciət etmək olar?

Siz:

  • texnogen mənşəli qəza və təbii fəlakətlər baş verdikdə;
  • yanğın baş verdikdə və ya yanğın törədə biləcək hallar yarandıqda;
  • uşaq, yaşlı və ya xəstə insanlar bağlı qapı arxasında və ya hər hansı köməksiz vəziyyətdə qaldıqda;
  • ağır yol-qəza hadisəsi baş verdikdə;
  • tikintidə və sənaye müəssisələrində qəza baş verdikdə, həmçinin, qəzaya səbəb ola biləcək hal müşahidə edildikdə;
  • su hövzələrində xilasetmə işlərinin həyata keçirilməsinə ehtiyac yarandıqda;
  • radioaktiv, kimyəvi və digər təhlükə potensiallı maddələr, onların daşınması üçün istifadə olunan konteynerlər, habelə partlayıcı maddə və silah-sursat aşkar olunduqda-itirildikdə;
  • digər qəzalar zamanı yardıma ehtiyac yarandıqda;
  • digər xidmətlərlə (102, 103, 104) əlaqə yaratmaq mümkün olmadıqda

112 nömrəli telefona müraciət edə bilərsiniz.

Sizin müraciətiniz aşağıda göstərilən sxem üzrə həllini tapır:

 

Nəticədə, xüsusi texniki avadanlıqlar, eləcə də xüsusi texnika ilə təchiz edilmiş nazirliyin müvafiq xilasetmə dəstələri yaranmış problemin aradan qaldırılması istiqamətində zəruri tədbirlər həyata keçirirlər. Aparılan əməliyyatlara digər nazirlik və qurumların əməkdaşlarının da cəlb edilməsi BVİM tərəfindən təmin edilir.

“112 zəng mərkəzi”nə Bakı, Sumqayıt şəhərləri və Abşeron rayonundan şəhərdaxili, bütün respublika ərazisində isə GSM (“Azercell”, “Bakcell”, “Nar Mobile”) və ya CDMA tipli simsiz telefon və bütün növ taksofonlardan zəng etmək olar. Xidmət pulsuzdur.

"112 zəng mərkəzi"nin operatorları 24 saat ərzində (fasiləsiz) məlumat qəbul edir və operativ tədbirlərin görülməsi üçün müvafiq strukturları xəbərdar edir.

“112” zəng mərkəzinə yalan məlumat verən şəxslər haqqında müvafiq qurumlar tərəfindən zəruri tədbirlər görülür.

Regional mərkəzlərin saytları
Bakı RM Bakı Sumqayıt RM Sumqayıt Şimal RM Şimal Şimal-Qərb RM Şimal-Qərb Muğan RM Muğan RM Aran RM Aran RM Cənub RM Cənub RM Qarabağ RM Qarabağ RM Gəncə RM Gəncə RM Naxçıvan RM
FHN-in qurumların saytları