23 mart 2017--ci il, 14:26
Əlaqələr

Azərbaycan Respublikasının Fövqəladə Hallar Nazirliyinin Akademiyası

AZ 1089, Bakı şəhəri,
Suraxanı rayonu, Hövsan qəsəbəsi, Elman Qasımov küçəsi

tel.: (012) 512-41-03
faks: (012) 512-41-03; 512-41-06
e-poçt: akademiya@fhn.gov.az

Sorğu
Daha çox hansı fövqəladə hal zamanı davranış qaydaları haqqında məlumat almaq istərdiniz?
Təbii mənşəli fövqəladə hallar haqqında
Texnogen mənşəli fövqəladə hallar haqqında
Bütün fövqəladə hallar haqqında
Ümumi məlumat
Azərbaycan Respublikası Fövqəladə Hallar Nazirliyinin Akademiyası Azərbaycan Respublikası Prezidentinin 2008-ci il 02 iyun tarixli Sərəncamına əsasən yaradılmışdır.

Azərbaycan Respublikası Prezidentinin 2009-cu il 10 iyul tarixli Fərmanı ilə Akademiyanın Nizamnaməsi təsdiq edilmişdir.
Akademiya Azərbaycan Respublikasının Fövqəladə Hallar Nazirliyi üçün xüsusi ixtisaslı ali təhsilli kadrların hazırlanmasını, əməkdaşların ixtisaslarının artırılmasını və fövqəladə hallar sahəsində elmi-tədqiqat işlərinin aparılmasını həyata keçirən xüsusi təyinatlı təhsil müəssisəsidir.

Akademiya "Həyat fəaliyyətinin təhlükəsizliyi mühəndisliyi" və "Yanğın təhlükəsizliyi" mühəndisliyi ixtisasları üzrə kadrların hazırlanmasını həyata keçirir.

Akademiyanın strukturuna Həyat fəaliyyətinin təhlükəsizliyi, Yanğın təhlükəsizliyi, Kadrların yenidən hazırlığı və ixtisasartırma, Qiyabi təhsil fakültələri və 7 kafedra daxildir.

Akademiyada Yanğın Tədris Hissəsi, Kitabxana, Tibb məntəqəsi, Mədəni mərkəz, 4 linqafon kabineti, informatika, kimya, elektronika və elektrotexnika laboratoriyaları, hərbi hazırlıq, avtomobil hazırlığı, qəza-xilasetmə hazırlığı, xüsusi tibbi hazırlıq auditoriyaları, həmçinin “qayadırmanma”  kompleksi, idman meydançası və qurğuları fəaliyyət göstərir.      
Akademiyada tədris Avropada tətbiq olunan Avropa Kredit Transferi Sisteminin tələblərinə uyğun keçirilir.
Təhsil müddəti dörd ildir.

Kursantlar təhsil müddətində yemək, xüsusi geyim forması, yataqxana ilə təmin olunur və təqaüd alırlar.

Yeni yaradılmış Akademiya qarşıya qoyulmuş vəzifələrin yerinə yetirilməsinə nail olmaq məqsədilə Akademiyanın ixtisaslı kadrlarla komplektləşdirilməsi, tədris prosesinin normativ-hüquqi aktlara və normativlərə uyğun qurulması, kursant və müdavimlərin təlim-tərbiyə prosesinin yüksək səviyyədə təşkil edilməsi, müvafiq tədris və plan proqramlarının hazırlanması, maddi-texniki və metodiki bazanın yaradılması və möhkəmləndirilməsi, fövqəladə hallar sahəsində elmi tədqiqatların aparılması və digər bu kimi mühüm vəzifələrin əməli həllinə nail olunması üçün qısa vaxt ərzində bir sıra təxirəsalınmaz işlər həyata keçirmişdir.

“Təhsil haqqında” Azərbaycan Respublikası Qanununun, Azərbaycan Respublikası Prezidentinin 22 may 2009-cu il tarixli, 295 nömrəli Sərəncamı ilə təsdiq edilmiş “2009-2013-cü illərdə Azərbaycan Respublikasının ali təhsil sistemində islahatlar üzrə Dövlət Proqramı”nın icrasını təmin etmək məqsədilə Akademiyanın fəaliyyət proqramı hazırlanmış və həmin proqramın icrasının təmin edilməsi, “Təhsil haqqında” Azərbaycan Respublikası Qanununun tətbiq edilməsi barədə Azərbaycan Respublikası Prezidentinin 05 sentyabr 2009-cu il tarixli, 156 nömrəli Fərmanının icrasını təmin etmək məqsədilə Azərbaycan Respublikası Nazirlər Kabinetinin müvafiq qərarlarından irəli gələn vəzifələrin yerinə yetirilməsi istiqamətində tədbirlər həyata keçirilir .

Hazırda yeni tədris ilində tədris ediləcək fənlər üzrə yüksək ixtisaslı müəllim kadrlarla müqavilələrin bağlanması, dərsliklərin alınması, yeni dərs vəsaitlərinin işlənməsi istiqamətində işlər aparılır. Yeni tədris ilində tədris prosesinin normal fəaliyyətini təmin etmək məqsədilə qarşıda duran vacib məsələlər müəyyənləşdirilir. Akademiyada elmi işlərin təşkili strukturu işlənilir və tədbirlər planı hazırlanır.

Akademiyanın müəllim və kursantları istər respublikada, istər digər ölkələrdə keçirilən konfranslarda, tədbirlərdə fəal iştirak edirlər. Belə ki, əməkdaşları 03 mart 2010-cu il tarixdə Azərbaycan Ali Hərbi Məktəbində “Hərbi Dənizçilik kadrların hazırlanmasında mənəvi-psixoloji təminat və ekstremal psixologiyanın müasir problemləri” mövzusunda keçirilmiş elmi-praktiki konfransda, ECMHT - Bakıdakı Avropa informasiya hazırlıq mərkəzinin 22-23 iyun 2010-cu il tarixində keçirdiyi “Ümumtəhsil məktəbləri üçün həyat fəaliyyətinin təhlükəsizliyi üzrə tədris proqramları və dərs vəsaitləri hazırlanmasının elmi-praktik əsasları”mövzusunda konfransda, 26-30 aprel 2011-ci ildə Belorus Respublikasının Qomel şəhərində keçirilən beynəlxalq konfransda iştirak etmişlər.

Həmçinin, Akademiyanın bir qrup əməkdaşı 2011-ci ilin 11-13 may tarixlərində Rusiya Federasiyasının Moskva şəhərində keçirilən “Fövqəladə halların xəbərdar edilməsi və nəticələrinin aradan qaldırılması sahəsində kadrlar hazırlığı üzrə aktual məsələlər” adlı konfransında iştirak etmiş, müxtəlif mövzularda çıxışlar etmiş və təcrübə mübadiləsi aparmışlar.

20 may 2011-ci il tarixdə Azərbaycan Respublikasının Fövqəladə Hallar Nazirliyinin Bakı Regional Mərkəzi, Azərbaycan Respublikası Təhsil Nazirliyi, Azərbaycan Memarlıq və İnşaat Universitetinin birgə keçirdikləri Bakı şəhəri ali məktəblərinin gənc tələbələrinin “Həyat fəaliyyətinin təhlükəsizliyinin elmi-praktik aspektləri: nailiyyətlər, problemlər, perspektivlər” adlı elmi-praktik konfransda  “Fövqəladə şəraitdə əhalidə mənəvi-psixoloji hazırlıq” mövzusunda kursant Oruc Əkbərov  məruzə etmişdir. 

Akademiyanın “Etik davranış qaydaları” və “Daxili intizam qaydaları”na əməl olunması, dövlət maraqlarının, insan və vətəndaş hüquq və azadlıqlarının müdafiəçisi olmaq, özündə yüksək mənəvi keyfiyyətlər tərbiyə etmək istiqamətində kursantlarla mütəmadi işlər aparılır, onların peşə və xidməti hazırlığı səviyyəsinin artırılması sahəsində müxtəlif tədbirlər həyata keçirilir.

“20 Yanvar - Qanlı Yanvar faciəsi” və “Xocalı faciəsi azərbaycanlılara qarşı ermənilər tərəfindən törədilən soyqırımı siyasətinin ən qanlı səhifəsidir” mövzularında kurs və taqımlarda mühazirələr oxunmuş, “31 Mart - Dünya Azərbaycanlılarının soyqırımı günüdür” mövzusunda elmi-nəzəri konfrans keçirilmişdir.

Kursant və müdavimlərin ümumi dünyagörüşünü biliklər sistemi ilə formalaşdırmaq üçün “Kitab - bilik mənbəyidir!” mövzusunda disput, ölkənin daxili-siyasi və beynəlxalq həyatının aktual məsələlərinə dair sual-cavab gecələri təşkil olunmuş, “Vətənpərvərlik” mövzusunda kursantlar arasında bədii qiraət müsabiqəsi keçirilmiş, kursant və müdavimləri islam dininə xələl gətirəcək dini təriqətlərdən (vəhabilik, krişnaçılıq və s.) uzaqlaşdırmaq məqsədi ilə “İslamın mahiyyəti” barədə söhbətlər aparılmışdır.

Akademiyanın kitabxanasının zənginləşdirilməsi məqsədi ilə kitabxana fondu yeni dərs vəsaitləri ilə təmin edilmiş, ümummilli lider Heydər Əliyevə və Azərbaycan Respublikasının Prezidenti İlham Əliyevin ölkənin inkişafı istiqamətində həyata keçirdiyi tədbirlərə, eləcə də dövlətin daxili və xarici siyasətinə həsr olunmuş siyasi ədəbiyyat və albomlar əldə edilərək fondda yerləşdirilmişdir.

2010-2011-ci ilin dekabr-may aylarında Akademiyanın tədris taqımları arasında “Biz Heydər Əliyev irsindən bəhrələnirik!” mövzusunda disput-müsabiqə, müasir Azərbaycan dövlətinin qurucusu, ümummilli lider Heydər Əliyevin xatirəsinə həsr olunmuş “Biz ümummilli liderimiz Heydər Əliyevin dövlətçilik məktəbindən öyrənirik!” mövzusunda elmi-praktik konfrans keçirilmişdir.

“Narkomaniya, QİÇS, HİV və digər yoluxucu xəstəliklərin profilaktikası”, həmçinin siqaret çəkməyin sağlamlığa mənfi təsirinin izah edilməsi məqsədi ilə “Siqaret və spirtli içkilər kimi zərərli maddələrdən uzaq olaq!” mövzusunda Akademiyanın həkim-metodist müəllimləri tərəfindən mühazirələr oxunmuşdur.

8 Mart Beynəlxalq Qadınlar günü münasibətilə yığıncaq, Novruz bayramı münasibətilə “Bahar həyat deməkdir” adı altında şənlik keçirilmişdir.

Akademiyanın kitabxanasında “Kitab - bilik mənbəyidir!” mövzusunda disput, kurs tağımları arasında kursant və müdavimlərin fiziki və mənəvi hazırlığını yoxlamaq məqsədi ilə “Vətəni müdafiə etməyə hazıram!” devizi altında proqramlaşdırılmış hazırlıq elan edilmişdir. “Gənc nəslin Azərbaycan bayrağına, gerbinə və himninə hörməti” ruhunda tərbiyə edilməsi üçün bütün kursantlar arasında söhbətlər aparılmışdır.

Ulu Öndər Heydər Əliyevin anadan olmasının ildönümü ilə əlaqədar kursant və müdavimlər arasında dövlətçiliyə, azərbaycançılıq ideyalarına, “And”ına və xidməti borca dərin sədaqət ruhunun tərbiyə olunması məqsədi ilə “Mən fəxr edirəm ki, azərbaycanlıyam!” mövzusunda disput, kursant və müdavimlərlə “Biz gənclər Ulu Öndər Heydər Əliyevin irsini öyrənirik” və şəxsi heyət arasında “Həmişəyaşar dahi insan” mövzusunda elmi-nəzəri konfranslar keçirilmişdir.
07 may 2011-ci il tarixdə 9 May - Faşizm üzərində Qələbə günü (1941-1945-ci illər) münasibətilə “Müharibənin qələbəsində azərbaycanlıların rolu” mövzusunda söhbət aparılmış, kursantlarda Müstəqil Azərbaycanın gələcək layiqli vətəndaşları kimi mənəvi keyfiyyətlər formalaşdırmaq məqsədilə “Xalqın, Vətənin taleyi hər bir insanın taleyinə çevrilməlidir!” mövzusunda diskussiya keçirilmişdir.

24 may 2010-cu il tarixdə 28 May - Respublika günü münasibətilə toplantı,  27 may 2011-ci il tarixdə isə Akademiyanın kitabxanasında “Azərbaycan Xalq Cümhuriyyəti Şərqdə ilk Demokratik Respublikadır” mövzusunda oxucu konfransı keçirilmişdir.

Ölkəmizin tarixində ən böyük hadisələrindən biri 15 iyun - Milli Qurtuluş günü münasibəti ilə 14 iyun 2010-cu il tarixdə Ulu Öndərin “Mən ya Azərbaycan dövlətini gücləndirəcək, ya da bu  yolda şəhid olacağam!” epiloqu ilə başlayıb “Biz müstəqilliyimizi ikinci dəfə itirmək təhlükəsindən qurtulduq” proloqu ilə bitən “Biz nədən qurtulduq?” mövzusunda,  15 iyun 2011-ci il tarixdə “Heydər Əliyevin xilaskarlıq missiyası” mövzusunda elmi-nəzəri konfrans keçirilmişdir.

25 iyun 2010-cu il tarixdə “Xalqla ordunun birliyi həm xalqın qüdrətini artırır, həm də ordunu daha qüvvətli edir” başlığı altında Azərbaycan silahlı Qüvvələr gününə həsr olunmuş toplantı, 23 iyun 2011-ci il tarixdə “Azərbaycan Ordusu Cənubi Qafqazın ən modern, hazırlıqlı və güclü ordusudur” mövzusunda elmi-nəzəri konfrans keçirilmişdir. 

2010-2011-ci tədris ilində Fövqəladə Hallar Nazirliyinin idmanın müxtəlif növləri üzrə keçirilən çempionatlarının təqvim-planına əsasən Akademiyanın idmançıları ayrı-ayrı idman növləri üzrə yarışlarda iştirak etmiş, şahmat, armrestlinq, stolüstü tennis və üzgüçülük yarışlarında uğurlar qazanmışlar.

Akademiyanın bütün şəxsi heyəti 2010-cu ilin may-iyun aylarında respublikada baş vermiş təbii fəlakətlər zamanı Azərbaycanın Sabirabad, Salyan, Saatlı, Şirvan, Hacıqabul rayonlarının kəndlərində Kür çayının daşması nəticəsində baş vermiş təbii fəlakətin törətdiyi fəsadların aradan qaldırılması, dağılmış bəndlərdə bərpa və bənd bərkitmə işlərinin aparılması və müvafiq təhlükəsizlik tədbirlərinin həyata keçirilməsi işində fəal iştirak etmişdir.

2011-ci il iyul ayının 25-dən avqust ayının 7-dək kursantların Akademiyada aldıqları nəzəri biliklərin təcrübi cəhətdən möhkəmləndirilməsi, dağ-səhra şəraitində qəza-xilasetmə vərdişlərinə yiyələnmələri məqsədi ilə onlarla ilk dəfə olaraq Quba rayonunun Afurca kəndi yaxınlığında düşərgə şəraitində tədris təcrübəsi keçirilmiş, təcrübənin keçirilməsinə Rusiya Federasiyası Fövqəladə Hallar Nazirliyinin tədris müəssisələrinin və nazirliyin müvafiq qurumlarının mütəxəssisləri cəlb edilmiş, kursantlar dağ-səhra şəraitində avtomaşın karvanının idarə olunması, düşərgə şəhərciyinin qurulması, təchizat və təminat məsələlərinin həll edilməsi, alpinist, dağ-meşə şəraitində yanğınların söndürülməsi və qəza-xilasetmə işlərinin həyata keçirilməsi vərdişlərinə yiyələnmişlər. 

Akademiyanın beynəlxalq əlaqələrinin yaradılması və genişləndirilməsi istiqamətində tədbirlər davam etdirilmiş, Rusiya Federasiyasının Fövqəladə Hallar Nazirliyinin Mülki Müdafiə Akademiyası, həmin Nazirliyin Yanğından Mühafizə Akademiyası, Belarus Respublikasının Fövqəladə Hallar Nazirliyinin Mühəndis Komandirlər İnstitutu, həmin Nazirliyin Qomel Mühəndislər İnstitutu, həmçinin bu İnstitutun nəzdində litsey, Ukrayna Fövqəladə Hallar və Çernobl Fəlakətinin Nəticələrinin Aradan Qaldırılması üzrə Nazirliyinin Xarkov Mülki Müdafiə Universiteti ilə tanışlıq məqsədilə Akademiyanın əməkdaşlarından ibarət nümayəndə heyəti, 04 aprel 2010-cu il tarixdən 07 aprel 2010-cu il tarixədək Moskva, 08 aprel 2010-cu il tarixdən 11 aprel 2010-cu il tarixədək Minsk və Qomel, 12 aprel 2010-cu il tarixdən 14 aprel 2010-cu il tarixədək Xarkov şəhərində ezamiyyətdə olmuşlar.

Rusiya Federasiyası, Belarus Respublikası və Ukraynanın Fövqəladə Hallar Nazirliyinin tədris müəssisələrinin auditoriya, laboratoriya, fənn otaqları və poliqonlarında istifadə edilən maket, maniken, qurğu və avadanlıqlardan istifadə prosesi, onların hazırlanması və əldə edilməsi barədə məlumat toplanmışdır. Hazırda bunların Akademiyada tətbiq olunmasına dair işlər görülməkdədir.

Akademiyada kursantlar arasında nizam-intizamı möhkəmləndirmək, Akademiyanın ictimai həyatında və təhsildə fərqlənənləri müəyyən edərək həvəsləndirmək məqsədi ilə mütəmadi olaraq “Ən yaxşı kursant”, “Ən yaxşı tədris taqımı” adı uğrunda yarış-müsabiqələr təşkil edilərək keçirilmiş, yarışlara yekun vurularaq qaliblər mükafatlandırılmışlar.
Regional mərkəzlərin saytları
Bakı RM Bakı Sumqayıt RM Sumqayıt Şimal RM Şimal Şimal-Qərb RM Şimal-Qərb Muğan RM Muğan RM Aran RM Aran RM Cənub RM Cənub RM Qarabağ RM Qarabağ RM Gəncə RM Gəncə RM Naxçıvan RM
FHN-in qurumların saytları