30 oktyabr 2024-cü il saat 16:15-dək:

Bərdə şəhərində “Opel” markalı minik avtomobilinin mühərrik hissəsi və arxa buferi qismən yanıb. Avtomobilin qalan hissəsi və yaxınlıqdakı obyekt yanğından mühafizə olunub. Yanğın yanğından mühafizə bölmələri tərəfindən söndürülüb.

30 oktyabr 2024-cü il saat 09:00-dək:

Ötən sutka ərzində Fövqəladə Hallar Nazirliyinin "112" qaynar telefon xəttinə Bakı şəhərində liftdə qalma ilə bağlı daxil olan müraciətlər əsasında Nazirliyin müvafiq xilasetmə qüvvələri tərəfindən 2 xilasetmə əməliyyatı keçirilib. Həyata keçirilən xilasetmə tədbirləri nəticəsində 3 nəfərə müvafiq köməklik göstərilib.

30 oktyabr 2024-cü il saat 08:15-dək:

Fövqəladə Hallar Nazirliyinin (FHN) "112" qaynar telefon xəttinə Sumqayıt şəhərində 1 nəfərin mənzildə bağlı qapı arxasında köməksiz vəziyyətdə qalması barədə məlumat daxil olub.

Məlumatla əlaqədar FHN-nin Sumqayıt Regional Mərkəzinin müvafiq xilasetmə qüvvələri çağırış üzrə cəlb olunublar.

Həyata keçirilən xilasetmə tədbirləri nəticəsində vətəndaşa müvafiq köməklik göstərilib.

30 oktyabr 2024-cü il saat 06:00-dək:

Bakı şəhərinin Nizami rayonunda “Tufan" markalı motosikletin yanar hissələri yanıb. Yüksək temperaturdan yaxınlıqda dayanan “Range Rover” markalı minik avtomobilinin 1 ədəd arxa farası və buferi qarsalanıb. Avtomobil yanğından mühafizə olunub. Yanğın yanğından mühafizə bölmələri tərəfindən söndürülüb.