01 aprel 2025-ci il saat 15:15-dək:

Bakı şəhərinin Xəzər rayonunda ümumi sahəsi 90 m² olan kürsülü, birmərtəbəli 4 otaqlı evin dam örtüyünün yanar konstruksiyaları 10 m² sahədə, bitişik ümumi sahəsi 20 m² olan talvarın yanar konstruksiyaları 2 m² sahədə, talvarın altında quraşdırılan 1 ədəd kombi aparatı və 1 ədəd su qızdırıcısı yanıb. Evin və talvarın qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

01 aprel 2025-ci il saat 13:45-dək:

Bakı şəhəri, Sabunçu rayonu, Zabrat qəsəbəsində açıq ərazidə baş vermiş yanğın Fövqəladə Hallar Nazirliyinin Dövlət Yanğından Mühafizə Xidmətinin qüvvələrinin çevik müdaxiləsi sayəsində geniş sahəyə yayılmasına imkan verilmədən qısa müddətdə söndürülüb.

01 aprel 2025-ci il saat 13:35-dək:

Fövqəladə Hallar Nazirliyinin "112" qaynar telefon xəttinə Bakı şəhəri, Sabunçu rayonu, Zabrat qəsəbəsində mazutluq sahədə yanğın olması barədə ilkin məlumat daxil olub.

Məlumatla əlaqədar Nazirliyin Dövlət Yanğından Mühafizə Xidmətinin yanğından mühafizə bölmələri çağırış üzrə cəlb olunublar.

Hazırda yanğınsöndürmə işləri həyata keçirilir.

Əlavə məlumat veriləcək.

01 aprel 2025-ci il saat 09:00-dək:

Ötən sutka ərzində Fövqəladə Hallar Nazirliyinin "112" qaynar telefon xəttinə Bakı şəhərində liftdə qalma ilə bağlı daxil olan müraciətlər əsasında Nazirliyin müvafiq xilasetmə qüvvələri tərəfindən 1 xilasetmə əməliyyatı keçirilib. Həyata keçirilən xilasetmə tədbiri nəticəsində 1 nəfərə (uşaq) müvafiq köməklik göstərilib.

01 aprel 2025-ci il saat 06:10-dək:

Balakən rayonunun Yeni Şərif kəndində ümumi sahəsi 88 m² olan köməkçi tikilinin yanar konstruksiyaları 32 m² sahədə və içərisində olan ev əşyaları yanıb. Tikilinin qalan hissəsi yanğınan mühafizə olunub. Yanğın yanğından mühafizə bölmələri tərəfindən söndürülüb.

01 aprel 2025-ci il saat 06:05-dək:

Qax rayonunun Qarabaldır kəndində ümumi sahəsi 30 m² olan köməkçi tikilinin yanar konstruksiyaları 20 m² sahədə yanıb. Yüksək temperaturdan bitişik ümumi sahəsi 176 m² olan kürsülü, birmərtəbəli 5 otaqlı evin çardağının taxta atmaları 20 m² sahədə qarsalanıb. Tikilinin və evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.

01 aprel 2025-ci il saat 06:00-dək:

Bakı şəhərinin Sabunçu rayonunda həyətyanı sahədə tikilən ümumi sahəsi 20 m² olan hamam otağının taxtadan ibarət tavanı 6 m² sahədə və sauna hissəsinin yanar konstruksiyaları 4 m² sahədə yanıb. Hamam otağının qalan hissəsi və bitişik ev yanğından mühafizə olunub. Yanğın yanğından mühafizə bölmələri tərəfindən söndürülüb.

01 aprel 2025-ci il saat 01:45-dək:

Fövqəladə Hallar Nazirliyinin (FHN) "112" qaynar telefon xəttinə Lənkəran şəhərində 1 nəfərin (uşaq) mənzildə bağlı qapı arxasında köməksiz vəziyyətdə qalması barədə məlumat daxil olub.

Məlumatla əlaqədar FHN-nin Cənub Regional Mərkəzinin xilasetmə qüvvələri çağırış üzrə cəlb olunublar.

Həyata keçirilən xilasetmə tədbirləri nəticəsində nəzarətsiz qalmış uşağın xilas olunması təmin edilib.