Bir hadisənin qarşısını almaq, o hadisə baş verəndən sonra onun nəticələrini aradan götürməkdən daha asandır...
Azərbaycan Respublikasının Fövqəladə Hallar Nazirliyi 24 aprel 2026-cı il saat 19:25-dək:
Ucar rayonunun Qazıqumlaq kəndində ümumi sahəsi 110 m² olan birmərtəbəli, 4 otaqlı evin tavanı və dam örtüyünün yanar konstruksiyaları 30 m² sahədə yanıb. Evin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.
24 aprel 2026-cı il saat 18:15-dək:
Fövqəladə Hallar Nazirliyinin "112" qaynar telefon xəttinə Naftalan şəhərində 1 nəfərin mənzildə bağlı qapı arxasında köməksiz vəziyyətdə qalması barədə məlumat daxil olub. Məlumatla əlaqədar Nazirliyin Dövlət Yanğından Mühafizə Xidmətinin müvafiq xilasetmə qüvvələri çağırış üzrə cəlb olunublar. Həyata keçirilən xilasetmə tədbirləri nəticəsində vətəndaş halsız vəziyyətdə aşkar edilərək aidiyyəti üzrə təhvil verilib.
24 aprel 2026-cı il saat 00:30-dək:
Ötən sutka ərzində Fövqəladə Hallar Nazirliyinin "112" qaynar telefon xəttinə Bakı şəhərində bağlı qapı arxasında qalma ilə bağlı daxil olan müraciətlər əsasında Nazirliyin müvafiq xilasetmə qüvvələri tərəfindən 2 xilasetmə əməliyyatı keçirilib. Həyata keçirilən tədbirlər nəticəsində 1 nəfər xilas edilib, 1 nəfərin meyiti isə aidiyyəti üzrə təhvil verilib.
Faydalı keçidlər
