FHN-in Dövlət Yanğından Mühafizə Xidməti növbəti “açıq qapı günü” tədbiri keçirib

Fövqəladə Hallar Nazirliyinin Dövlət Yanğından Mühafizə Xidmətinin təşkilatçılığı ilə Quba Rayon Yanğından Mühafizə Hissəsində “açıq qapı günü” tədbiri keçirilib.

Quba rayonu, Qaraçay qəsəbəsi tam orta ümumtəhsil məktəbinin şagird və müəllimlərinin iştirak etdikləri tədbirin keçirilməsində məqsəd məktəblilərin hərtərəfli inkişafına, onların fiziki və mənəvi cəhətdən sağlam yetişməsinə, onlarda təhlükəsiz həyat fəaliyyəti mədəniyyətinin, eyni zamanda ilkin yanğın təhlükəsizliyi biliklərinin formalaşmasına, yanğınsöndürənlərin peşə fəaliyyəti barədə məlumatlılıq səviyyəsinin artırılmasına kömək etmək olub.

“Açıq qapı günü” tədbirində iştirakçılara yanğınsöndürənlərin gündəlik rejimi və hissələrin fəaliyyəti haqqında ətraflı məlumat verilib, onlara ilkin yanğınsöndürmə vasitələrindən istifadə qaydaları və əməkdaşların məşqlərinin bir hissəsi əyani şəkildə nümayiş etdirilib.

Həmçinin, məktəblilər fövqəladə hallar zamanı istifadə edilən zəruri yanğınsöndürmə və digər qəza-xilasetmə texnika və avadanlıqları ilə yaxından tanış olub, fövqəladə hadisələr zamanı təhlükəsiz davranış qaydaları barədə məlumatlandırılıblar.

Maraqlı keçən tədbirdə uşaqları maraqlandıran suallar cavablandırılıb.

Digər Məlumatlar

FHN radiasiya təhlükəsizliyinə dair növbəti tədbir keçirib

Fövqəladə Hallar Nazirliyinin Nüvə və Radioloji Fəaliyyətin Tənzimlənməsi üzrə Dövlət Agentliyi səlahiyyətləri daxilində nüvə və radiasiya təhlükəsizliyi sahəsində maarifləndirmə tədbirlərini davam etdirir

Həlak olmuş əməkdaşın ailəsinə medallar təqdim edilib

Fövqəladə Hallar Nazirliyinin Dövlət Yanğından Mühafizə Xidmətinin rəhbərliyi, həmçinin Xidmətin regionda yerləşən bir sıra hissə və bölmələrinin rəis heyəti xidməti vəzifəsini yerinə yetirərkən həlak olmuş daxili xidmət baş çavuşu Hakim Şahlar oğlu Piriyevin ailəsini ziyarət ediblər

FHN-in Dövlət Yanğın Nəzarəti Xidməti yanğın təhlükəli restoranın fəaliyyətini dayandırıb (video, foto)

Səbail rayonunda kompleks yoxlamanın yekunlarına dair tədbir keçirilib

Fövqəladə Hallar Nazirliyinin Bakı Regional Mərkəzinin təşkilatçılığı ilə 2026-cı ilin tədbirlər planına uyğun olaraq Bakı şəhərinin Səbail rayonunda mülki müdafiə vəziyyətinin kompleks yoxlanılmasının nəticələrinə dair tədbir keçirilib

FHN Mətbuat xidmətinin məlumatı (video)

Fövqəladə Hallar Nazirliyinin “112" qaynar telefon xəttinə Tovuz şəhəri, Xəqani Şirvani küçəsində yerləşən yaşayış binasında körpənin mənzildə bağlı qapı arxasında köməksiz vəziyyətdə qalması barədə məlumat daxil olub