FHN-in Akademiyasının komandası Ulu Öndərin xatirəsinə həsr olunan sərbəst güləş üzrə yarışda yüksək nəticə əldə edib

Daxili İşlər Nazirliyinin Polis Akademiyasında  Ümummilli Lider Heydər Əliyevin anadan olmasının 101-ci ildönümünə həsr edilmiş sərbəst güləş üzrə xüsusi təyinatlı ali təhsil müəssisələri arasında açıq turnirə yekun vurulub.

Altı çəki dərəcəsində keçirilən yarışda qazanılmış medalların sayına görə komanda birinciliyində Fövqəladə Hallar Nazirliyinin Akademiyasının komandası ikinci yerə layiq görülüb.

Tədbirin sonunda qalib idmançılar diplom, medal və qiymətli hədiyyələrlə mükafatlandırılıblar.