FHN Kürdəmir rayonunda müşavirə keçirib

Fövqəladə Hallar Nazirliyinin Regional mərkəzlərlə işin təşkili, layihələrin idarə edilməsi və təhsil məsələləri üzrə Baş idarəsi Aran Regonal Mərkəzi ilə birgə Kürdəmir rayonunda “Əhalinin fövqəladə hallara qarşı hazırlığının və məlumatlılıq səviyyəsinin artırılması sahəsində birgə fəaliyyətin rolu” mövzusunda müşavirə keçirib.

Tədbirdə Fövqəladə Hallar Nazirliyinin müvafiq struktur bölmələrinin, Kürdəmir Rayon İcra Hakimiyyətinin, aidiyyəti idarə, müəssisə və təşkilatların, yerli özünüidarəetmə orqanlarının rəhbər şəxsləri iştirak ediblər.

Müşavirənin keçirilməsində məqsəd fövqəladə halların qarşısının alınması və nəticələrinin aradan qaldırılması, qəza-xilasetmə və digər təxirəsalınmaz işlərin həyata keçirilməsi zamanı yerli icra və özünüidarəetmə orqanları ilə FHN-in regionda fəaliyyət göstərən qurumları arasında qarşılıqlı fəaliyyətin təşkili, görülən işlər, qarşıda duran problemlər və onların həlli yollarının müzakirəsi olub.

Tədbirdə fövqəladə halların xəbərdar edilməsi və nəticələrinin aradan qaldırılması ilə bağlı aidiyyəti qurumların koordinasiyalı fəaliyyətinin əhəmiyyətindən bəhs olunub, FHN-lə yerli icra orqanları arasında qarşılıqlı əməkdaşlığın mövcud vəziyyəti və görülmüş işlər təhlil edilib, gələcək planların müzakirəsi aparılıb.

İnteraktiv formatda davam etdirilən müşavirədə birgə fəaliyyətin daha da təkmilləşdirilməsinə dair təkliflər səsləndirilib, suallar cavablandırılıb.

Digər Məlumatlar

Fövqəladə Hallar Nazirliyi növbəti şərti yanğın təlimi keçirib (video, foto)

Fövqəladə Hallar Nazirliyinin Dövlət Yanğın Nəzarəti Xidmətinin təşəbbüsü və Dövlət Yanğından Mühafizə xidmətinin iştirakı ilə Bakı şəhəri, Nəsimi rayonu, Dilarə Əliyeva küçəsi, 251A ünvanında yerləşən çoxmərtəbəli yaşayış kompleksində təlim keçirilib

Oğuz rayonunda kompleks mülki müdafiə təlimi keçirilib (video, foto)

Fövqəladə Hallar Nazirliyi Şimal-qərb Regional Mərkəzinin təşkilatçılığı ilə Oğuz rayonunda “İrimiqyaslı fövqəladə hadisələrin nəticələrinin aradan qaldırılması zamanı mülki müdafiə orqan və qüvvələrinin idarə edilməsinin təşkili” mövzusunda kompleks mülki müdafiə təlimi keçirilib

Kiçikhəcmli gəmi istifadəçiləri üçün silsilə maarifləndirmə tədbirləri keçirilib

Fövqəladə Hallar Nazirliyinin Kiçikhəcmli Gəmilərə Nəzarət və Sularda Xilasetmə Dövlət Xidməti kiçikhəcmli gəmi istifadəçilərinin müvafiq təhlükəsizlik qaydaları ilə bağlı maarifləndirilməsi məqsədilə silsilə tədbirlər keçirib

FHN Tibb xidmətinin əməkdaşı beynəlxalq tədbirlərdə iştirak edib

Fövqəladə Hallar Nazirliyinin Tibb xidməti Tibb mərkəzinin həkim-kardioloqu tibb xidməti mayoru, Avropa Kardiologiya Cəmiyyətinin və Beynəlxalq Gənc Kardioloqlar Akademiyasının üzvü İlahə Abdurəhmanova Belçikanın Lueven şəhərində Avropa Kardiologiya Cəmiyyəti tərəfindən təşkil edilən “Frontiers of CardioVascular Biomedicine – 2026” beynəlxalq elmi konqresində iştirak edib