FHN-in Mülki müdafiə qoşunlarının hərbi hissələri arasında sərbəst güləş üzrə birincilik keçirilib

Fövqəladə Hallar Nazirliyinin Mülki müdafiə qoşunlarının hərbi hissələri arasında sərbəst güləş üzrə birincilik keçirilib.
Azərbaycan Respublikasının Dövlət Himninin səsləndirilməsi ilə başlanan tədbirdə Ümummilli Lider Heydər Əliyevin, ölkəmizin azadlığı, suverenliyi və ərazi bütövlüyü uğrunda canlarından keçmiş şəhidlərimizin əziz xatirəsi bir dəqiqəlik sükutla yad edilib.
Daha sonra yarışlara start verilib.
Mülki müdafiə qoşunları komandanlığının Fiziki hazırlıq və idman şöbəsinin zabitlərindən ibarət hakimlər heyətinin idarəçiliyi ilə keçirilən birincilikdə komanda hesabında Şirvan şəhərində yerləşən “N” saylı hərbi hissənin komandası birinci, Qəbələ şəhərində yerləşən “N” saylı hərbi hissənin komandası ikinci, Gəncə şəhərində yerləşən “N” saylı hərbi hissənin komandası isə üçüncü yeri tutub.
Sonda qalib komandalar kubok, medal və fəxri fərmanlarla təltif olunublar.