Güclü külək

Sürəti 20 m/san-dən artıq olan külək güclü külək hesab olunur.

Müvafiq orqanlar güclü küləklə bağlı xəbərdarlıq yayıblarsa, zərurət olmadıqca çölə çıxmamağa çalışın.

Güclü külək zamanı açıq havada olarkən:

• küləkdən qoruna biləcəyiniz yerlərdə (zirzəmi, möhkəm tikili və s.) daldalanmağa çalışın;
• yüngül konstruksiyalı və müvəqqəti tikililərdən, bina və reklam lövhələrindən uzaq durun;
• elektrik dirəyi və naqillərinin, hündür ağacların altında dayanmayın;
• qırılmış elektrik xətlərindən uzaq durun;
• diqqətli olun, özünüzü havadan uçuşan əşyalardan qoruyun;
• nəqliyyat vasitələrini irigövdəli ağacların, yüngül konstruksiyalı tikililərin, reklam lövhələrinin və elektrik dirəklərinin yaxınlığında saxlamayın;
• dənizə girməyin;
• güclü küləyin baş verən yanğınların söndürülməsi ilə əlaqədar yaratdığı çətinlikləri nəzərə alaraq, belə hava şəraitində yanğın təhlükəsizliyi qaydalarına xüsusilə ciddi riayət edin;
• səlahiyyəlti orqanların ən son məlumatlarını izləyib tövsiyələrə əməl edin.